Information Desk

Kane ka lad ka ai ba ki nongpang kin tip ia kine harum:

• Ki lad jingsumar kiba ngi ai ha kane ka aspatal
• Ki jingsumar ba ki nongpang kidei ban ioh
• Ki lad ki lynti kiba shah ia ki nongpang ba kin pyntip sha ngi ia ki jingbakla jong ngi bad ba ngin pynbeit hi ruh ia ki

Jaka Shah Sumar Nongpang Kiba Thiah Pang

Baroh ki nongpang kiba lah shah bat ha aspatal la sumar ia ki katkum ka aiñ ba lah thaw da ka aspatal 

Baroh ki tes la kheiñ dor katkum ka dor ba dei

Ki nos kin don beit baroh shi sngi ha ki jaka ai jingsumar

Ki nongpang kidei ban kylli bniah na ki nos lada ki don kaei kaei kaba ki kwah ban kylli

Ki Tiar Ki Ban Pynsuk Ia Ki Nongpang

• Ki jingthiah ban rah nongpang bad ki jaka shong ba tyllun ha ki shaka na bynta ki nongpang ki don ha khmat ka aspatal khamtam eh na bynta kito kiba ym lah ban iaid
• Ki don ruh ki kor pynmeh lait lada lip kynsan ka lait ha kane ka aspatal
• Ki don ruh ki jaka dih um/tong um bad ki jaka leit shabar ha baroh ki mala jong ka aspatal
• Ka jaka ai dawai ka don ha ka mala kaba shapoh duh bad ka plie 24 kynta baroh shi taiew

Jaka Pyntip Ia Ki Jingsngew Jong Ki Nongpang Ha Kaba Iadei Bad Ka Jingbakla Ki Nongtrei Kane Ka Aspatal

• Ki lah ban don ki por haba ka jingai jingsumar jong ngi kan ym i biang lane pynhun ia phi. Ha kaba iadei bad kane sngewbha wat artatien ban pynsngew ha ngi ia ki jingsngew jong phi. Kane ka jingpyntip jong phi ka lah ban ai jingiarap ia ngi khnang ba ngin lah ban iarap iaphi
• Kin don ki synduk ha ka mala kaba khatduh ha kaba phi lah ban thep ia ki jingsngew jong phi ha kaba iadei bad ka aspatal jong ngi
• Phi lah ruh ban leit sha ka administration block ban pynsngew ia ki jingsngew jong phi bad ngi pyntikna ba ngin shim khia ia kine ki jingpynsngew jong phi ha ngi

Kane Ka Lad Kan Ai Ia Phi Ka Jingiarap Kaba Paka Na Ngi

• Ka jingthmu jong kane ka lad ka dei ban batai bniah ia ka hok bad ka jingkitkhlieh jong ki nongpang kane ka aspatal
• Ka jing tip bad jingsngewthuh jong phi ia ka hok bad jingkitkhlieh kan wanrah ka jingtei ia ka jingiadei jong ngi bad jong phi bad ban wanrah ia ka jingai jingsumar kaba paka 

Ki Hok Jong Phi Kum U Nongpang Kane Ka Aspatal

• Phi don ka hok ban ioh ia ka jingsumar kaba paka
• Phi don hok ban wad bniah shaphang ki lad jingsumar kiba ngi ai ha kane ka aspatal bad ki dor jong ki
• Phi don ka hok ban tip shai bad tip bnaih shaphang ka jingshitom jong phi, ka jingseisoh jong ka jingsumar, ka jingsumar bad ka jingma kiba ap na ka jingshitom jong phi
• Phi don ka hok ban tip ia ki kyrteng dawai kiba lah thoh da ki doktor, ka rukom treikam jong u dawai bad ki jingktah jong u dawai hakaba iadei bad ka jingshitom jong u nongpang
• Phi don ka hok ban treh lane kyntait ia ki dawai, ki tes bad ki jingsumar bad ban tip ia ki jingma kiba ap lada kyntait
• Phi don ka hok ban phah peit sa na wei pat
• Phi don ka hok ba kin burom ia phi bad ki jingngeit jong phi
• Phi don hok ban wad bnaih shaphang ka jingshitom bad ka jingsumar jong phi
• Phi don ka hok ban buh ia ki kot jong phi ha ki jaka ki ba lait tang ia ki doktor jong phi bad iaphi ban peit
• Phi don ka hok ban pynsngew ha ngi ia ki jingbakla jong ki nongtrei jong ngi bad ngin pyntikna ruh ban pynbeit ia kita
• Phi don ka hok ban shim bynta lane ban kyntait ia ki research prokram kiba don ha kane ka aspatal

Ka Jingkitkhlieh Jong Phi Kum U Nongpang

Ka jingsumar ha kano kano ka aspatal kadei ka jingiadei hapdeng ki nongshahsumar bad ki nong sumar. Ka jingkitkhlieh na ka liang jong phi ka lah ban iarap ia ngi ban ai ia phi ka jingsumar kaba paka. Naka bynta ban ioh ia kane phi hap ban leh kine harum :

• Phi dei ban batai shai ia ki nong sumar shaphang jong phi bad ki jingshitom jong phi kiba mynta bad kiba phi lah ju shitom teng mynshuwa.
• Phi dei ban bud thik pa thik ia ki jingsumar ba la ai da ki doktor 
• Phi dei ruh ban tip bad ban bud ia ki aiñ jong ka aspatal
• Sngewbha pyntip ia ka aspatal lada phim ioh shuh ban wan phah sumar hadien ba phi lah dep buh tiket
• Sngewbha wat nym phah ia ki nong ai jingsumar jong kane ka aspatal ban ai ia ka jingbatai bnaih bad ia ki kot donkam ki ba bakla.